السيسي مياه مصر لن تقل هذا أمر لا نقاش فيه

قال الرئيس عبدالفتاح السيسي، إن مشروع تبطين الترع يتكلف أكثر من 50 مليار جنيه، وأن البرنامج بشكل كلي سيتكلف 80 مليار جنيه تقريبا.

وأضاف السيسي خلال افتتاح محطة معالجة مياه بحر البقر: طب إحنا بنعمل ده ليه، ما الدولة كانت ماشية، ليه بننفق الإنفاق الضخم ده، ليه أدفع 80 مليار في 20 أو 30 ألف كم من الترع، بعمله عشان الناس اللي شغاة وده أمن قومي، عشان المحاصيل اللي بنزرعها تكفينا، عشان منستوردش من برة، وعشان مندفعش بالدولار، بقولكم كده، مش عشان المية هتقل، لأ مش هتقل، ده كلام مفيش فيه نقاش”.​

وقال السيسي إن الدولة المصرية تسعى لتقليل فائض المياه، متابعا: “المياه عزيزة علينا.. حجم المياه اللى بيجلنا مش كتير ومش هيتغير إلا من خلال تحسين استخدام هذه المياه”.

وأضاف الرئيس المصري خلال كلمته في افتتاح محطة معالجة بحر البقر: “ليه رد فعلنا قوى وجرئ.. وبصراحة يعنى تبطين الترع أكثر من 50 مليار جنيه والمشروع كله الخاص بتبطين الترع يتكلف حوالى 80 مليار جنيه.. الدكتور مصطفى مدبولى بيقولى 140 مليار جنيه لتحسين استخدام المياه.. طب بنعملهم ليه؟.. والدولة كانت ماشية 20 و30 سنة بنفس النظام .. والترع بقالها 200 سنة.. طب ليه .. وندفع 80 مليار جنيه لتبطين الترع.. اللى شغالين في القطاع عددهم كبير جدا.. وده أمن قومى.. المحاصيل اللى تنتج في مصر ياما تكفينا.. ياما نستورد من بره.. وده عب على مواردنا”.

وتابع الرئيس السيسى: “لما يحصل تعدى على أرض زراعية .. أو تبور على أرض زراعية نتيجة نقص المياه.. ونقص المياه هنا مش أن المياه اللى مقرر ليا هتقل.. لا.. مياتنا مفيش كلام فيها.. نحن نسعى لتحسين جودة وكفاءة نظم الرى”. 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *